۵ وڵاتی دیکه‌ پێبه‌ندن به‌ ڕێککه‌وتنی ناڤۆکی له‌گه‌ڵ ئێران

ئه‌و وڵاتانه‌ی دیکه‌ که‌ له‌ به‌رجامدا ماون له‌ کۆبوونه‌وه‌ی هاوبه‌ش له‌ ڤیه‌ن جه‌ختیان کرد که‌ به‌ ته‌واوی پێبه‌ند ده‌بن به‌ ڕێککه‌وتنی ناڤۆکی، ئێران داوای کۆبوونه‌وه‌ له‌ ئاستی وه‌زیران ده‌کات.

به‌ ڕاپۆرتی ئاژانسی مێهر، دوێنێ کۆبوونه‌وه‌ی لێژنه‌ی هاوبه‌شی ئه‌و وڵاتانه‌ی که‌ له‌ به‌رجامدا ماون دوێنێ بۆ ماوه‌ی ۳ کاتژمێر له‌ شاری ڤیه‌ن به‌ڕێوه‌ چوو.

دوای ئه‌م کۆبوونه‌وه‌ که‌ له‌ سه‌ر داواکاری ئێران به‌ڕێوه‌ چوو، وڵاتانی به‌شدار بوو له‌ به‌رجام جه‌ختیان کرد که‌ به‌ ته‌واوی پێبه‌ند ده‌بن به‌ ڕێککه‌وتنه‌ ناڤۆکییه‌که‌ له‌گه‌ڵ ئێران.

ئه‌م کۆبوونه‌وه‌ دوای بڵاو بوونه‌وه‌ی ۱۱مین ڕاپۆرتی ئاژانسی ناڤۆکی سه‌باره‌ت به‌ ئێران ئه‌نجام بوو، هه‌ر به‌م بۆنه‌وه‌ یۆکیۆ ئامانۆ، سه‌رۆکی ڕێکخراوی ئاژانسی وزه‌ی ناڤۆکی به‌شداری ئه‌م کۆبوونه‌وه‌ی کرد. ئه‌ندامانی به‌شدار بوو له‌ به‌رجام دیسان سپاسی ئێرانیان کرد که‌ پێبه‌ند بووه‌ به‌ به‌رجام.

هه‌روه‌ها ئه‌ندامانی به‌شدار بوو له‌ به‌رجام، جه‌ختیان کرد که‌ کشانه‌وه‌ی ئه‌مریکا له‌ ڕێککه‌وتنی ناڤۆکی هه‌ڵه‌ بووه‌. ئه‌وان ڕایانگه‌یاند که‌ به‌رجام یه‌کێکه‌ له‌ ده‌ستکه‌وته‌ جیهانییه‌کان له‌ بواری دیپلۆماسی که‌ به‌ زۆرینه‌ی ده‌نگ له‌ ئه‌نجومه‌نی ئاسایش و له‌ ژێر ناوی بڕیارنامه‌ی ۲۲۳۱ واژۆ کرا. له‌ کۆبوونه‌وه‌ی دوێنێ زیانی کشانه‌وه‌ی ئه‌مریکا له‌م ڕێککه‌وتنه‌ و چۆنیه‌تی بازه‌رگانی کردن له‌گه‌ڵ ئێران و درێژه‌ دان به‌ هاوکارییه‌ ناوڤۆکییه‌ ئاشتیانییه‌کان تاوتوێ کرا.

ئه‌ندامانی به‌رجام ڕایانگه‌یاند که‌ له‌ دوای ئه‌م خاڵانه‌ن: هێشتنه‌وه‌ و په‌ره‌دان به‌ په‌یوه‌ندی ئابووری له‌گه‌ڵ ئیران، به‌رده‌وام بوون له‌ کڕینی نه‌وت و گاز و به‌رهه‌مه‌ نه‌وتییه‌کان، درێژه‌دان به‌ په‌یوه‌ندی بانکی له‌گه‌ڵ ئێران، درێژه‌دان به‌ ئاڵ و گۆڕی ده‌ریایی له‌گه‌ڵ ئێران و دابین کردنی بایه‌خی دراوی بۆ ئیران به‌ مه‌به‌ستی هه‌نارده‌ کردن و ئاسانکاری بانکی و بازه‌رگانی دروست کردن بۆ بانکه‌نای ئێران، پشتیوانی کردن له‌ سه‌رمایه‌دانه‌ری له‌ ئێران و په‌ره‌دان به‌ شه‌فاف سازی بازه‌رگانی کردن له‌گه‌ڵ ئێران و سه‌رمایه‌دانه‌ری زیاتر له‌م وڵاته‌.

هه‌موو ئه‌م هه‌وڵانه‌ش به‌ مه‌به‌ستی پاراستنی کار و ئیش و سه‌رمایه‌دانه‌ری له‌ ئێرانه‌. چالاکانی بواری بازه‌رگانی جیهانی له‌ دوای ڕێکاری یاسایی بۆ بازه‌رگانی کردن له‌گه‌ڵ ئێرانن و هه‌موو لایه‌نه‌کان سوورن له‌ سه‌ر ئه‌وه‌ی که‌ بڕیارنامه‌ی ئه‌نجومه‌نی ئاسایش جێبه‌جێ بکرێت، ئه‌ندامانی به‌رجام وه‌ک ڕابردوو پێبه‌ند ده‌بن به‌ به‌ڵێنه‌کانی خۆیان و بۆ ئه‌م مه‌به‌سته‌ش دانوستانه‌کان له‌ هه‌موو ئاسته‌کان به‌ ترایبه‌ت له‌ ئاستی باڵا بۆ دۆزینه‌وه‌ی ڕێکاره‌ یاساییه‌کان دریژه‌ی ده‌بێت.

ئه‌ندامانی به‌شداری بوو له‌ به‌رجام ڕێککه‌وتوون تاکوو کۆبوونه‌وه‌کان زیاتر بکرێت و به‌ وردی هه‌موو ڕه‌هه‌نده‌کانی ئه‌م کاره‌ لێکبدرێته‌وه‌.

ئێران پێشنیاری کردووه‌ که‌ هه‌نگاوی داهاتوو له‌ ئاستی وه‌زیرانی وڵاتانی به‌شدار بوون له‌ به‌رجام به‌ڕێوه‌ بچێت.

News Code 19065

نیشانەکان

بۆچوونی ئێوە

You are replying to: .
  • 7 + 2 =