۵۴ که‌س به‌ هۆی خواردنی قارچک لە کوردستان ژه‌هراوی بوون

جێگری ته‌ندروستی زانکۆ پزشکی کوردستان وتی: له‌ میانه‌ی ڕۆژانی پێشوو ۵۴ که‌س به‌ هۆی خواردنی قارچکی ژه‌هراوی ڕه‌وانه‌ی نه‌خۆشخانه‌کان کراون.

به‌ ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی زانکۆ پزشکی کوردستان، فه‌رزام بیدارپوور ڕایگه‌یاند: پێویسته‌ شارۆمه‌ندانی پارێزگای کوردستان له‌ خواردنی قارچکی کێوی زیاتر هۆشیار بن چون ناسین و لێکدانه‌وه‌ی قارچکی خوارده‌مه‌نی و ژه‌هراوی زۆر ئه‌سته‌مه‌ و ته‌نیا که‌سانی شاره‌زا که‌ ئه‌زموونیان هه‌یه‌ ده‌توانن ئه‌م دوو جۆر قارچکه‌ له‌ یه‌کتر بکه‌نه‌وه‌.

ئه‌و زیادی کرد: به‌ سیما و ڕه‌نگ و بۆ ناکرێت له‌ سه‌دا سه‌د بڵێن که‌ فڵانه‌ قارچک ژه‌هراوییه‌ یان نا، بچووک ترین هه‌ڵه‌ ده‌توانێت ببێته‌ هۆی مردن یان زیانی جدی له‌ سییه‌کان.

وتیشی: له‌ چه‌ند ڕۆژی ڕابردوو ۵۴ که‌س له‌ پارێزگای کوردستان به‌ هۆی خواردنی قارچکه‌وه‌ ژه‌هراوی بوون که‌ زۆربه‌یان قارچکی کێویان خواردووه‌، ئه‌م ئامارانه‌ش له‌ شاره‌کانی کامیاران، سنه‌، دیوانده‌ره‌ و دێولان بووه‌ و جێگه‌ی خۆشحاڵییه‌ که‌ که‌س نه‌مردووه‌.

جێگری ته‌ندروستی زانکۆ پزشکی کوردستان وتی: له‌م ۵۴ که‌سه‌ ۲۸ که‌سیان له‌ نه‌خۆشخانه‌کان خه‌وتوون که‌ حاڵی دوو که‌سیان زۆر باش نییه‌ و ئه‌وانی دیکه‌ ده‌رمان کراون.

شایانی باسه‌ که‌ هه‌ر ساڵ له‌ وه‌زی به‌هار و قارچک پێگه‌یشتن زیاترین ئاماری ژه‌هراوی بوون به‌م خواردمه‌مه‌نییه‌ بڵاو ده‌بێته‌وه‌.

News Code 18933

نیشانەکان

بۆچوونی ئێوە

You are replying to: .
  • 9 + 9 =