سعوودییه‌ باڵوێزی وڵاتانی عه‌ره‌بی له‌گه‌ڵ سه‌در کۆکردووەتەوە

ئه‌ندامێکی باڵای حزبی ده‌عوه‌ ڕایگه‌یاند که‌ کۆبوونه‌وه‌ی باڵوێزه‌کانی ئه‌ردۆن، تورکیا، عه‌ره‌بستان و کوه‌یت له‌گه‌ڵ سه‌رۆکی لیستی سائیرون به‌ هاوکاری و ڕۆڵگێڕانی سعوودییه‌کان بووه‌.

به ڕاپۆرتی ئاژانسی مێهر له‌ ئه‌لعاله‌م، جاسم محه‌مه‌د جه‌عفه‌ر، ئه‌ندامی حزبی ده‌عوه‌ جه‌ختی کرد: کۆبوونه‌وه‌ی باڵوێزه‌کانی ئه‌ردۆن، تورکیا، عه‌ره‌بستان و کوه‌یت له‌گه‌ڵ سه‌رۆکی لیستی سائیرون به‌ هاوکاری و ڕۆڵگێڕانی سعوودییه‌کان بووه‌.

شایانی باسه‌ که‌ باڵوێزه‌کانی چه‌ند وڵاتێکی وه‌ک ئه‌ردۆن، تورکیا، عه‌ره‌بستان و کوه‌یت ڕۆژی هه‌ینی له‌گه‌ڵ موقته‌دا سه‌در کۆبوونه‌وه‌ و ئاماده‌ نه‌بوونی باڵوێزی ئێران بووه‌ هۆی خۆشحاڵ بوونی به‌رپرسان و مێدیاکانی دژ به‌ ئێران له‌ عه‌ره‌بستان و ناوچه‌که‌.

جاسم محه‌مه‌د جه‌عفه‌ر ڕایگه‌یاند که‌ سعوودییه‌کان به‌ به‌ڕێوه‌ بردنی ئه‌م کۆبوونه‌وه‌ هه‌وڵ ده‌ده‌ن که‌ په‌یامێک بۆ ئێران بگوازنه‌وه‌ که‌ ڕیاز له‌ عێراق سه‌رکه‌وتوو بووه‌.

ئه‌و زیادی کرد: من لام وایه‌ که‌ عه‌ره‌بستان کۆبوونه‌وه‌که‌ی ساز کردووه‌ تاکوو ئه‌م په‌یامه‌ به‌ ئێران بدات که‌ ده‌توانێت هێزێکی دژ به‌ تاران له‌ عێراق کۆبکاته‌وه‌.

جه‌عفه‌ر هه‌روه‌ها وتی: عێراق دژی چوونه‌ به‌ره‌ی وڵاتێکی تره‌ بۆ دژایه‌تی وڵاتێکی دیکه‌ و ئه‌م ڕێچکه‌یه‌ ناگۆڕدرێت وه‌ک چۆن ده‌وڵه‌تی ئێسته‌ دژی بوو.

شایانی باسه‌ که‌ دوو ڕۆژ به‌ر له‌ ئێستا موقته‌دا سه‌در له نه‌جه‌ف له‌گه‌ڵ باڵوێزه‌کانی تورکیا، ئه‌ردۆن، سعوودیه‌ و کوه‌یت بێ به‌شداری باڵوێزی ئێران کۆبوویه‌وه‌.

News Code 18932

نیشانەکان

بۆچوونی ئێوە

You are replying to: .
  • 1 + 3 =