شەش لایەنی ناڕازی هەرێم پەنا بۆ نەتەوەیەکگرتووەکان دەبەن

شەش لایەنی سیاسی لە دژی ئەنجامەكانی هەڵبژاردنی پەرلەمانی عێراق لەبەردەم بارەگای نەتەوە یەکگرتووەکان لە هەولێر گردبوونەوە.

بە ڕاپۆرتی ئاژانسی هەواڵی مێهر، دوێنێ لایەنەكانی نەوەی نوێ و یەکگرتوو و و گۆڕان و هاوپەیمانی دیموكراسی و كۆمەڵی ئیسلامی و شیوعی چوونە بەردەم نووسینگەی نەتەوەیەکگرتووەکان.

ئەوان ئاماژەیان بەوە کرد، ساختەكاری زۆر لە ئەنجامی هەڵبژاردنەکاندا کراوە و هەموو هەوڵەکانیان دەخەنەگەڕ بۆ گەڕاندنەوەی دەنگەکانیان.

لە خۆپیشاندانەکەدا لایەنە سیاسییەکان ئاماژەیان بەوە کرد، دەیانەوێت دەنگیان بگات بە كۆمەڵگەی نێودەوڵەتی تا دەنگەكانیان بەفیرۆنەچێت.

ڕۆژی دوانزەی ئەم مانگە هەڵبژاردنی پەرلەمانی عێراق لە هەرێم و سەرتاسەری عێراق بەڕێوەچوو، لەدوای ڕاگەیاندنی ئەنجامە بەراییەکانی هەڵبژاردنیش لەلایەن کۆمسیۆنەوە ئەو شەش لایەنە ئەنجامەکەیان ڕەتکردەوە و ڕایانگەیاند، ساختەکاری لە ئەنجامەکانی هەڵبژاردندا کراوە.

News Code 18848

نیشانەکان

بۆچوونی ئێوە

You are replying to: .
  • 2 + 0 =