هێرش بۆ سەر مەکۆی گۆڕان درۆیە

لێپرسراوی دەزگای پاراستن و زانیاری هەرێمی کوردستان ڕایدەگەێنێت کە "هه‌موو ئه‌و ده‌نگۆیانه‌ دوورن له‌ڕاستییه‌وه‌ كه‌ باس له‌ هێرشكردنی هێزه‌كانمان ده‌كه‌ن بۆ سه‌ر گردی زه‌رگه‌ته‌ی سلێمانی".

بە ڕاپۆرتی ئاژانسی هەواڵی مێهر، لاهور شێخ جەنگی لێپرسراوی دەزگای پاراستن و زانیاری هەرێم  بە میدیای یەکێتی ڕاگەیاند: "بەهیچ شێوەیەک هێزەکانمان هێرشیان نەکردووەتە سەر مەکۆی سەرەکی بزوتنەوەی گۆڕان و هێزه‌كانمان پارێزه‌ری هه‌موو كوردستانه‌، به‌ گشت لایه‌نه‌كانه‌وه‌ و له‌ هیچ لایه‌نێكیش قبوڵ ناكه‌ین كه‌ گرژی و ئاڵۆزی دروست بكات".

لاهور شێخ جەنگی ئاماژەی بەوەداوە کە "به‌ پێی ئه‌و زانیارییانه‌ی لای منه‌، ئه‌و گرژییه‌ی له‌به‌رده‌م مه‌كۆی سه‌ره‌كی بزوتنه‌وه‌ی گۆڕان له‌سلێمانی دروستبووه‌ به‌هۆی ئه‌وه‌وه‌ بووه‌ كه‌ چه‌ند هاووڵاتییه‌ك له‌نزیك مه‌كۆی سه‌ره‌كی گۆڕان ته‌قه‌ی خۆشیان كردووه‌ و پاسه‌وانه‌كانی گرده‌كه‌ش به‌ چه‌ك وه‌ڵامیان داوه‌نه‌ته‌وه."

شیاوی ئاماژەیە شەوی  رابردوو میدیای فەرمی بزوتنەوەی گۆڕان بڵاویکردەوە "لەلایەن هێزێکی سەر بە لاهور شێخ جەنگی هێرشی کردووەتە سەر گردی زەرگەتەی و تەقەی بەسەر باڵەخانەی کەناڵی کەی ئێن ئێن و گۆڕی نەوشیروان مستەفا کردوە".

News Code 18761

نیشانەکان

بۆچوونی ئێوە

You are replying to: .
  • 2 + 16 =