گوترش داوای لێکۆڵینه‌وه‌ له‌ جه‌نایه‌ته‌کانی عه‌ره‌بستان له‌ یه‌مه‌ن ده‌کات

ئه‌مینداری گشتی نه‌ته‌وه‌ یه‌کگرتووه‌کان داوای کرد که‌ لێکۆڵینه‌وه‌ له‌ جه‌نایه‌تی شه‌وی ڕابردووی فڕۆکه‌ جه‌نگییه‌کانی سعوودییه‌ له‌ هێرش بۆ سه‌ر زه‌ماوه‌ندێک له‌ حوجه‌ی یه‌مه‌ن بکرێت.

به‌ ڕاپۆرتی ئاژانسی مێهر، له‌ میانه‌ی ڕاگه‌یه‌ندراوێک که‌ له‌ لایه‌ن ستێفان دوجاریک، وته‌بێژی ئه‌مینداری گشتی نه‌ته‌وه‌ یه‌کگرتووه‌کان بڵاو بووه‌ته‌وه‌، هاتووه‌: هه‌موو لایه‌نه‌کانی تێوه‌گلاو له‌ یه‌مه‌ن ده‌بێت له‌ چوارچێوه‌ی یاسا نێونه‌ته‌وه‌ییه‌کانی مافی مرۆڤ پێبه‌ند بن به‌ پشتیوانی له‌ خه‌ڵکی سڤیل و ژێرخانه‌کان.

ئانتۆنیۆ گوترش هه‌روه‌ها هاوخه‌می خۆیی له‌گه‌ڵ بنه‌ماڵه‌ی قوربانییه‌کانی ئه‌م جه‌نایه‌ته‌ ده‌ربڕیوه‌.

فڕۆکه‌ جه‌نگییه‌کانی سعوودییه‌ شه‌وی ڕابردوو له‌ دوو هێرشی یه‌ک له‌ دوای یه‌ک بۆ سه‌ر گوندێک له‌ پارێزگای حوجه‌ له‌ ڕۆژئاوای یه‌مه‌ن زه‌ماوندێکی خه‌ڵکی سڤیلیان بۆردمان کرد.

فڕۆکه‌ جه‌نگییه‌کانی عه‌ربستان دوای بۆردمان کردنی چه‌ندین جاری ناوچه‌که‌، ڕێگریان کرد له‌وه‌ی که‌ تیمی فریاگوزاری ڕه‌وانه‌ی ناوچه‌که‌ بکرێت و برینداره‌کان بگه‌نه‌ نه‌خۆشخانه.

له‌م هێرشه‌دا لانی که‌م ۳۳ که‌س کوژراوه‌ و نزیک به‌ ۳۰ منداڵیش به‌ سه‌ختی بریندار بوون.
 

News Code 18286

نیشانەکان

بۆچوونی ئێوە

You are replying to: .
  • 2 + 0 =