لە ماوەی یەک ساڵدا;

سوپای تورکیا ۴۰ هه‌زار هێرشی له‌ دژی په‌که‌که‌ ئه‌نجام داوه‌

ناسەی هەواڵ: 4112125 -
وه‌زیری ناوخۆی تورکیا ڕایگه‌یاند که‌ هێزه‌ سه‌ربازییه‌کانی ئه‌م وڵاته‌ له‌ یه‌ک ساڵی ڕابردوودا ۷۰ هه‌زار ئۆپراسیۆنیان ئه‌نجام داوه‌ که‌ زیاتر له‌ ۴۰ هه‌زار هێرشی بۆ سه‌ر په‌که‌که‌ بووه‌.

به‌ ڕاپۆرتی ئاژانسی مێهر له‌ ئاناتۆلی، سلێمان سۆیلۆ، وه‌زیری ناوخۆی تورکیا ڕایگه‌یاند که‌ هێزه‌ سه‌ربازییه‌کانی ئه‌م وڵاته‌ له‌ یه‌ک ساڵی ڕابردوودا ۶۸ هه‌زار و ۴۶۴ ئۆپراسیۆنیان ئه‌نجام داوه‌ که‌ زیاتر له‌ چل هه‌زار و ۲۱۵ هێرشی بۆ سه‌ر ئه‌ندامانی په‌که‌که‌ بووه‌.

ئه‌و زیادی کرد: ۲۵ هه‌زار و ۸۱۸ جاریش هێرشمان کردووه‌ته‌ سه‌ر گرووپی تیرۆریستی فه‌تحوڵا گوله‌ن و ئه‌وانی دیکه‌ش بۆ سه‌ر گرووپه‌ توندڕه‌وه‌کانی دیکه‌ وه‌ک حزبه‌ مارکسییه‌کان بووه‌.

سیۆیلۆ زیادی کرد: ۳۰ هه‌زار و ۱۶۷ که‌سمان له‌ نێوان ئه‌م هێرشانه‌ ده‌ستگیر کردووه‌ و زیاد له‌ ۲ هه‌زار و ۵۰۰ که‌سیش کوژراون و ۴۸۸ بنکه‌ی تیرۆریستمان خاپوور کردووه‌.

وه‌زیری ناوخۆی تورکیا سه‌باره‌ت به‌ سنووره‌کان وتی: له‌ سنووری سووریا ۷۵۵ کیلۆمه‌تر دیوارمان چینییه‌وه‌ که‌ ۳۷۰ کیلۆمه‌تری له‌ ژێر چرا و ڕۆشنایی کاره‌بادا چاودێڕی ده‌کرێت.

ناردنی بۆچوون

1 + 16 =