هه‌واڵه‌کانی سووریا؛

وه‌زیری کشت و کاڵی داعش له‌ سووریا هەڵات

ناسەی هەواڵ: 4086591 -
وه‌زیری کشت و کاڵی داعش له‌ ده‌یره‌زوور هەڵات و به‌ تازه‌یی سوپای سووریا ناوچه‌کانی ده‌ورووبه‌ری حومسی ئازاد کردووه‌.

به‌ ڕاپۆرتی ئاژانسی مێهر له‌ ئه‌لمه‌نار، سه‌رچاوه‌ سوورییه‌کان ڕایانگه‌یاند: عه‌بدولڕه‌حمان عارف ناسراو به‌ ئه‌بوحارس که‌ وه‌زیری کشت و کاڵی داعش بوو له‌ ده‌یره‌زوور ڕای کردووه‌.

هه‌روه‌ها عه‌کله‌ عارف فه‌رمانده‌ی پۆلیسی داعش و برایه‌کی ئه‌م وه‌زیره‌ داعشییه‌ له‌گه‌ڵ بنه‌ماڵه‌کانیان له‌ گوندی مه‌یمیده‌ له‌ ڕۆژئاوای ده‌یره‌زووه‌ره‌وه‌ به‌ره‌و ناوچه‌یه‌کی نادایار ڕۆشتوون.

ئه‌م سه‌رچاوانه‌ هه‌روه‌ها ئاماژه‌یان به‌ ئه‌سیر بوونی بڕێک له‌ هێزه‌ کوردییه‌کان له‌ باشووری شاری ده‌یره‌زوور کردووه‌، داعش هه‌روه‌ها له‌ ناو شاری ده‌یره‌زوور قه‌ده‌غه‌ی هات و چووی ڕاگه‌یاندووه‌.

هه‌روه‌ها له‌ ڕه‌قه‌ و ده‌ورووبه‌ری شاره‌که‌ش له‌ نێوان هێزه‌ کوردییه‌کان و داعش له‌ ده‌ورووبه‌ری باغی ڕه‌شید و نه‌خۆشخانه‌ی نه‌ته‌وه‌یی شاری ڕه‌قه‌ شه‌ڕه‌کان به‌ خه‌ستی به‌رده‌وامه‌ و ژماره‌یه‌ک له‌ هه‌ر دوو لا کوژراو و بریندار بوون.

هه‌روه‌ها داعش یه‌کێک له‌ فه‌رمانده‌کانی به‌رپرس له‌ بازگه‌کانی شاری ڕه‌قه‌ی به‌ هۆی ئه‌وه‌ی ڕێگه‌ی داوه‌ خه‌ڵک هه‌ڵبێن له‌ سێداره‌ داوه‌.

له‌ ده‌ورووبه‌ری حومسیش سوپای سووریا و هاوپه‌یمانه‌کانی توانیانه‌ ناوچه‌کانی زه‌غرووتییه‌ و ده‌روێشییه‌ و لۆبیده‌ و عه‌نیمان و ئۆمول سه‌باح له‌ ده‌ستی داعشییه‌کان ئازاد بکه‌ن.

ناردنی بۆچوون

1 + 15 =