پارێزگاری کوردستان:

فه‌رهه‌نگ و هونه‌ری کوردستان ده‌توانێت شوناسی ئێران بپارێزت

ناسەی هەواڵ: 4080441 -
پارێزگاری کوردستان جه‌ختی کرد که‌ بێ گومان فه‌رهه‌نگ و هونه‌ری کوردستان ده‌توانێت سوناسی ئیران له‌ ئاستی جیهاندا بپارێزێت.

به‌ ڕاپۆرتی ئاژانسی مێهر، عه‌بدول محه‌مه‌د زاهدی له‌ ڕێوڕه‌سمی بیسته‌مین فستیڤاڵی به‌رهه‌مه‌کانی ته‌له‌فیزیۆنی ئێران که‌ له‌ سنه‌ بڕێوه‌ ده‌چێت، وتی: ته‌له‌فیزیۆنی پارێزگاکان و فه‌رهه‌نگی ناوچه‌یی و یه‌کگرتوویی نیشتمانی دروشمی ئه‌م خوله‌ی فستیڤاڵه‌که‌ بوو که‌ هیوادارم ئه‌م خوله‌ی فستیڤاڵه‌که‌ به‌ باشترین شێوه‌ له‌ کوردستان به‌ڕێوه‌ بچێت.

ئه‌و زیادی کرد: کاتێک ئێمه‌ باسی فه‌رهه‌نگی ئێرانی ده‌که‌ین واتا باسی شوناسی ئێرانمان کردووه‌ چون به‌ بێ پاراستنی فه‌رهه‌نگ، هیچ شوناسێکیش نامێنێته‌وه‌. شوناسی ئێرانی پێکهاتووه‌ له‌ زنجیره‌یه‌ک له‌ فه‌رهه‌نگه‌ جۆراوجۆره‌کانی دانیشتوانی ئێران که‌ ئێسته‌ هه‌موویان له‌م فستیڤاڵه‌ به‌شدارن.

زاهدی وتی: به‌رهه‌می ته‌له‌فیزیۆنه‌کانی پارێزگاکان له‌ ناخی فه‌رهه‌نگی ناوچه‌کانی ئێرانه‌وه‌ هه‌ڵقوڵاوه‌ و هه‌موو پێکه‌وه‌ شوناسی نیشتمانی ئێمه‌ دروست ده‌که‌ن. له‌مڕۆدا مێدیا ته‌نیا ڕێگه‌ی گواستنه‌وه‌ی هه‌واڵه‌کان نییه‌، به‌ڵکو به‌رهه‌مهێنه‌ری فه‌رهه‌نگیشه‌ و ئه‌مه‌ش جێگه‌یه‌کی زۆر به‌رزه‌ له‌ جیهاندا.

ئه‌و ئاماژه‌ی دا که‌ کوردستان زیاتر له‌ ۵ هه‌زار و ۴۰۰ شه‌هیدی بۆ شۆڕشی ئیسلامی داوه‌ که‌ به‌ڕاستی جێگه‌ی شانازییه‌. فه‌رهه‌نگ و هونه‌ری کوردستان نیعمه‌تێکی گه‌وره‌یه‌ بۆ ئێران و ده‌کرێت له‌ ئاستێکی گه‌وره‌تر به‌هره‌ له‌م توانه‌ ببرێت.

زاهدی له‌ کۆتاییدا جه‌ختی کرد: بێ گومان فه‌رهه‌نگ و هونه‌ری کوردستان ده‌توانێت شوناسی ئێران له‌ ئاستی جیهاندا بپارێزێت.

ناردنی بۆچوون

5 + 0 =