زیاتر له‌ ۶۰۰ هه‌زار ئاواره‌ی سووری گه‌ڕاونه‌ته‌وه‌

ناسەی هەواڵ: 4057583 -
ڕێکخراوی جیهانی کۆچ و کۆچبه‌ری له‌ میانه‌ی ڕاپۆرتێکدا ڕایگه‌یاند که‌ زیاتر له‌ ۶۰۰ هه‌زار ئاواره‌ی سووری له‌ سه‌ره‌تای ساڵی ۲۰۱۷وه‌ گه‌ڕاونه‌ته‌وه‌ سه‌ر ماڵ و حاڵی خۆیان.

به‌ ڕاپۆرتی ئاژانسی مێهر له‌ ڕاشا توده‌ی، ڕێکخراوی جیهانی کۆچ و کۆچبه‌ری له‌ میانه‌ی ڕاپۆرتێکدا ڕایگه‌یاند که‌ زیاتر له‌ ۶۰۰ هه‌زار شارۆمه‌ندی سووری که‌ به‌ هۆی شه‌ڕه‌وه‌ ناچاربوونه‌ ماڵ و حاڵی خۆیان به‌جێبێڵن له‌ سه‌ره‌تای ساڵی ۲۰۱۷وه‌ گه‌ڕاونه‌ته‌وه‌ سه‌ر ماڵی خۆیان.

ئۆلڤیا هیدۆن، وته‌بێژی ڕێکخراوی جیهانی کۆچ و کۆچبه‌ری به‌ ڕاگه‌یاندنی ئه‌م هه‌واڵه‌ زیادی کرد: ۸۴ له‌ سه‌دی ئه‌و که‌سانه‌ی له‌ سه‌ره‌تای ساڵی ۲۰۱۷وه‌ گه‌ڕاونه‌ته‌وه‌ سه‌ر ماڵ و حاڵی خۆیان ئه‌و ئاوارانه‌ بوون که‌ له‌ شاره‌کانی دیکه‌ی سووریا ئاواره‌ بوون، هه‌روه‌ها ۱۶ له‌ سه‌دی ئاواره‌کانی سووریا له‌ وڵاتانی تورکیا، لۆبنان، ئه‌ردۆن و عێراق به‌ره‌و سووریا گه‌ڕاونه‌ته‌وه‌.

له‌ درێژه‌ی ئه‌م ڕاپۆرته‌دا هاتووه‌: ۶۷ له‌ سه‌دی ئه‌و ئاوارانه‌ی بۆ سووریا گه‌ڕاونه‌ته‌وه‌ سه‌ر به‌ پارێزگای حه‌ڵه‌بی سووریان.

له‌م ڕاپۆرته‌ودا ئاژماژه‌ دراوه‌ که‌ نزیک به‌ ۶ ملیۆن سووری له‌ وڵاته‌که‌یان ئاواره‌ بوون.

ناردنی بۆچوون

1 + 12 =