سبەی شەو;

خسووف له ئێران ڕوو دەدات

ناسەی هەواڵ: 4051618 -
به‌ڕێوه‌به‌ری ئه‌نجومه‌نی هه‌ساره‌ناسی ئێران له‌ ئه‌هواز ڕایگه‌یاند: ئه‌م ڕووداوه‌ ئه‌مشه‌و ده‌ست پێ ده‌کات و له‌ سه‌رتانسه‌ری ئێران و ناوچه‌که‌ ده‌بینرێت.

به‌ ڕاپۆرتی ئاژانسی مێهر، خرسره‌و جه‌عفه‌ری زاده‌، به‌ڕێوه‌به‌ری ئه‌نجومه‌نی هه‌ساره‌ناسی ئێران له‌ ئه‌هواز ڕایگه‌یاند: ئه‌م ڕووداوه‌ له‌ ئه‌مشه‌وه‌ ده‌ست پێ ده‌کات و له‌ سه‌رتانسه‌ری ئێران و ناوچه‌که‌ ده‌بینرێت.

ئه‌و زیادی کرد: ئه‌م مانگ گرتنه‌ له‌ زنجیره‌ی سارۆسی ۱۱۹دا ڕوو ده‌دات و بۆ ماوه‌ی یه‌ک کاتژمێر و ۵۵ خوله‌ک مانگ ده‌یگردرێت.

ئه‌و وتی: له‌ کاتژمێر ۸.۱۷ خوله‌کی ئێواره‌وه‌ سێبه‌ری زه‌وی ده‌دات به‌ سه‌ر مانگدا، به‌ڵام به‌م هۆیه‌ که‌ له‌و کاتژمێره‌ه‌دا سێبه‌ری زه‌وی ڕۆشنه‌، ئه‌م ڕووداوه‌ نابینرێت، دوای تاریک بوونی که‌ش و هه‌وا سێبه‌ری زه‌وی تاریک تر ده‌بێت و ڕووداوه‌که‌ به‌ باشی ده‌بینرێت.

جه‌عفه‌ری زاده‌ ئاماژه‌ی ده‌ که‌ له‌ کاتژمێر ۹.۵۲ شه‌وه‌وه‌ مانگ به‌ ته‌واوی ده‌که‌وێته‌ ژێر سێبه‌ری تاریکی زه‌وی و ئه‌م ڕووداوه‌ به‌ جوانی ده‌بینرێت. له‌ دوای ۱۰.۵۰ خوله‌که‌وه‌ مانگ ورده‌ ورده‌ له‌ ژێر سێبه‌ری زه‌وی دێته‌ ده‌ره‌وه‌ و ڕووداوه‌که‌ش به‌ره‌و کۆتایی ده‌ڕوات.

به‌ڕێوه‌به‌ری ئه‌نجومه‌نی هه‌ساره‌ناسی ئێران له‌ ئه‌هواز جه‌ختی کرد که‌ کاتژمێر ۱۱.۴۸ خوله‌ک دواین لێواری مانگ له‌ ژێر سێبه‌ری زه‌وی دێته‌ ده‌ره‌وه‌ و ڕووداوه‌که‌ به‌ ته‌واوی ته‌واو ده‌بێت.

شایانی باسه‌ که‌ ڕووداوی مانگ گرتن هه‌ر چه‌ند ساڵ جاریک ڕوو ده‌دات و مانگ به‌ هۆی گه‌ڕیانه‌وه‌ بۆ چه‌ند کاتژمێرێک ده‌که‌وێته‌ ژێر سێبه‌ری زه‌وی و نابینرێت و به‌م ڕووداوه‌ ده‌وترێت مانگ گرتن.

ناردنی بۆچوون

5 + 9 =