باڵوێزی عێراق لە تاران:

شەڕ لە گەڵ تیرۆریزم بووە هۆی یەکگرتوویی خەڵکی عێراق

ناسەی هەواڵ: 4032844 -
باڵویزی عێراق لە تاران بە ئاماژە بە بەشداری ئێران لە شەڕ لە گەڵ داعش وتی: شەڕ لە گەڵ تیرۆریزم لە عێراق هەرهەموو چین و توێژ و لاینەکان لەوانە موسڵمانەکان، مەسێحیەکان، شیعە، سوننە، کورد و ئێزدیی یەکگرتوو کردەوە.

بە ڕاپۆرتی هەواڵنێری مێهر، ڕاجح موسەوی باڵوێزی عێراق لە تاران لە کۆنفڕانسێکی ڕۆژنامەوانیدا کە بەشداری هەواڵنێرانی دەزگا هەواڵدەرییە جیاوازەکان لە باڵوێزخانەی عێراق لە تاران بەڕێوە چوو بە ئاماژە بە ئازاد کردنی شاری موسڵ وتی: نەتەوەی عێراقتوانی ئەو سەرکەوتنە بەدی بهێنێت، ئەوە شەڕێکی عێراقی تەواو بوو ئاڵبەت ئێمە نکۆڵی لە هاوکاری دۆستان و هاوپەیمانی نێودەوڵەتی ناکەین. تیرۆریستەکانی داعش بە راگەیاندنی خەلافەتی نائیسلامی خۆیان بە ناوی ئیسلامەوە، بە دوای ماڵ وێرانی و کاول کاریەوە بوون. شوکر بۆ خودا شەڕ لە گەڵ داعش توانی تەواوی نەتەوەی عێراق لەوانە، کورد، شیعە، سوننو، موسڵمان، مەسێحی، تورکمان و ئێزدییەکان یەکگرتوو بکاتەوە. هەمووی لایەنە عێراقییەکان بە یەکگرتووییەوە توانیان وڵات لە دەستی داعش ئازاد بکەن. بڵێین بە هەمووی ئەوانەی کە بە دوای تایفە گەراییەوەن کە تەواوی لایەنە عێراقییەکان  بەشداریان هەبوو لە بەرەوڕوو بوونەوەی تیرۆریزمدا و حەشدی شەعبی پێکهاتەیەک لە تەواوی لایەنەکانە.

ناوبراو سەبارەت بە راستی و دەوری هاوپەیمانی نێودەوڵەتی لە ئۆپراسیۆنی ئازاد کردنی موسڵ وتی: هاوپەیمانی نێودەوڵەتی دژە داعش، نێودەولەتی و پێکهاتەیەک لە وڵاتە جیاوازەکانە، هاوئاهەنگی لە نێوان هێزەکانی سوپای عێراق و ئەو هاوپەیمانییە بوونی هەیە. بۆ تێکشکانی داعش زانیاریمان دەگەیاندە هێزەکانی هاوپەیمانان و ئەوان هێرشی ئاسمانیان دەکردە سەریان. ئاڵبەت ئێمە نکۆڵی لە هەوڵ و تێکۆشانی هیزە ئاسمانیەکانی عێراق ناکەین. گرنگ ئەوەیە کە پاڵەوانانێک لە عێراقەوە توانیان داعش شکست بدەن.

راجح موسەوی سەبارەت بە ئەوەی کە ئایا لە نێوان سوپای عێراق و سووریا هاوئاهەنگی هەیە بۆ شەڕ دژی داعش، وتی: سوپای سووریا توانای شەڕ لە گەڵ داعشی هەیە لە ناو خاکەکەی خۆیدا.

باڵویزی عێارق لە ئێران سەبارەت بە ئاوەدان کردنەوەی موسڵ پاش داعش وتی: ئیوە باش دەزانن کە موسڵ هێمەیەکی تایبەتە و تێیدا سەری ئەفعی بڕدراوە و لە ئەو شارەوە، سەرکەوتن بە هەموو شوینێک راگەیێندرا. تەواوی خەڵکی عێراق لە ئەو سەرکەوتنە بەشداریان هەبوو و هەر هەمووشیان لە ئاوەدان کردنەوەی موسڵ بەشدارییان دەبێت.

ناوبراو زیادی کرد: عێراق وڵاتێکی دەوڵەمەند و یەکگرتووەیە و نە تەنیا موسڵ بەڵکوو تەواوی پاریزگاکانی عێراق لە ئەو ئاوەدان کردنەوە بەشدارن، ئێمە دەس خوەشی ئەو وڵاتانە دەکەین کە ئامادەیی خۆیانیان بۆ ئاوەدان کردنەوەی موسڵ راگەیاندووە.

ناوبراو سەبارەت بە داهاتووی حەشدی شەعبیش وتی: حەشدی شەعبی پێویستییەکی نەتەوەییە و ئەگەر ئەو گرووپە نەبوایە عێراق هەر لە باکوورەوە تا باشوور سەر دەبڕدرا و پاش فتواکەی ئایەتوڵڵا سیستانی بۆ جەهادی کەفایی بوو کە جەنایەتکاران لەناو چوون. کاتێک ئەو پیکهاتەیە توانی موعادڵەکان بگۆڕێت و دوژمنان تێک بشکێنێت لە گەڵ تۆمەتێک وەکوو کاری تیرۆریستانە بەرەوڕوو بووەتەوە. من بە تواوی نەتەوەکانی جیهان ڕایدەگەیێنم کە ڕێز دابنێن بۆ ئەو پێکهاتەیە. پێکهاتەی حەشدی شەعبی لە تەواوی چین و تویژەکان پێک هاتووە کەوابوو جیی نیگەرانی نییە.پەڕلەمانی عێراقیش ئەو گرووپەی وەکوو بنکەیەکی فەرمی ناساندووە.ئەو گرووپە لە ژێر چاوەدێری حەیدر عەبادی فەرماندەی تەواوی هێزە چەکدارەکان دایە

باڵوێزی عێراق لە تاران وتیشی: زۆرێک لە نوینەر و بەرپرسانی دەرەکی بە خۆشحاڵییەوە هاتنە باڵوێزخانەی عێراق لە تاران و پیرۆزبایی ئەو سەرکەوتنەیان کرد و ئەمە نیشاندەری سەرەنجی زۆری جیهانیان بە ئەو پرسە گرنگەیە. ئەو سەرکەوتنە نێودەوڵەتییە و تەنیا هی نەتەوەی عێراق نییە.

ناردنی بۆچوون

5 + 8 =