له‌ سنه‌؛

پێشانگای نیگارکێشی ئه‌فسانه‌ کوردییه‌کان به‌ڕێوه‌ ده‌چێت

ناسەی هەواڵ: 4032541 -
له‌ میانه‌ی یه‌ک هه‌فته‌ی داهاتوودا له‌ شاری سنه‌ پێشانگایه‌کی نیگارکێشی به‌ ناوه‌ڕۆکی ئه‌فسانه‌ و حه‌کایه‌ته‌ کوردییه‌کان به‌ڕێوه‌ ده‌چێت.

به‌ ڕاپۆرتی ئاژانسی مێهر، له‌ میانه‌ی یه‌ک هه‌فته‌ی داهاتوودا له‌ شاری سنه‌ پێشانگایه‌کی نیگارکێشی به‌ ناوه‌ڕۆکی ئه‌فسانه‌ و حه‌کایه‌ته‌ کوردییه‌کان و سروشتی کوردستان به‌ڕێوه‌ ده‌چێت.

به‌ پێی ئه‌م ڕاپۆرته‌، ئه‌م پێشانگایه‌ له‌ لایه‌ن مامۆستا مه‌هدی زیائه‌دینی، هونه‌رمه‌ندی ناسراوی بورای نیگارکێشی و په‌یکه‌ره‌سازی به‌ڕێوه‌ ده‌چێت.

پێشانگاکه‌ به‌ هاوکاری ئه‌نجومه‌نی ڕێزگرتن له‌ که‌سایه‌تییه‌کانی کوردستان و له‌ گه‌له‌ری سوره‌ی سینه‌ما په‌ردیسی شاری سنه‌ ئه‌نجام ده‌بێت.

پێشانگاکه‌ کاتژمێر ۵ی ئێواره‌، ۲۵ی پووشپه‌ڕ ده‌ست به‌ کار ده‌کات و تاکوو ۱ی گه‌لاوێژ درێژه‌ی ده‌بێت و هه‌مووان ده‌توانن له‌م پێشانگا هونه‌رییه‌ دیدار بکه‌ن.

کاره‌ هونه‌رییه‌کان له‌ چه‌ند به‌یتی ناسراوی کوردی وه‌ک سوارۆ، شێخ ڕه‌ش، شێخ مه‌ن، شۆڕه‌ مه‌حموو و مه‌رزینگان و هتد وه‌گیراوه‌. هه‌روه‌ها هونه‌رمه‌ند مه‌هدی زیائه‌دینی له‌ ئه‌فسانه‌کانی وه‌ک سیدوان، برایمۆک، په‌ری خان، لاس و خه‌زاڵ و گه‌نج خه‌لیل بۆ خوڵقاندنی ئه‌م وێنانه‌ که‌ڵکی بردووه‌.

شایانی باسه‌ که‌ کێشانه‌وه‌ و وێنا کردنی ئه‌فسون و ئه‌ده‌به‌ کۆنه‌کان یه‌کێکه‌ له‌ کۆن ترین لقه‌کانی نیگارکێشی له‌ جیهاندا و له‌م بواره‌دا ژاپۆنییه‌کان زیاترین کاری هونه‌ری ناسراوی جیهانیان هه‌یه‌.
 

ناردنی بۆچوون

1 + 6 =