نووسه‌رێکی عه‌ره‌ب دانی پێدانا:

قاسم سلێمانی به‌ڕێوه‌به‌ری شه‌ڕی دژ به‌ داعشه‌/ئێران براوه‌ی سه‌ره‌کی

ناسەی هەواڵ: 4027488 -
عه‌لی هاشم، نووسه‌ری دیاری مێدیا عه‌ره‌بییه‌کان له‌ میانه‌ی یادداشتێکدا ئاماژه‌ی دا که‌ قاسم سلێمانی به‌ڕێوه‌به‌ری شه‌ڕی دژ به‌ داعشه‌ و له‌م شه‌ڕه‌دا ئێران براوه‌ی سه‌ره‌کییه‌.

به‌ ڕاپۆرتی ئاژانسی مێهر له‌ مه‌یادین، عه‌لی هاشم له‌ میانه‌ی یادداشتێک سه‌باره‌ت به‌ ئازاد بوونی شاری موسڵ نووسی: پرسیاری دوای ئازاد بوونی موسڵ، ته‌نیا عێراق و شاره‌که‌ ناگرێته‌وه‌ و هه‌موو ناوچه‌که‌ داده‌گرێت. موسڵ یانی کۆتایی خه‌ونه‌کانی داعش، به‌ڵام ئایا ئه‌مه‌ هه‌موو سنووره‌کان ده‌گرێته‌وه‌.

هاوینی ۲۰۱۴ دوای گرتنی موسڵ له‌ لایه‌ن داعشه‌وه‌، من له‌ به‌غدا بووم و ئه‌م شاره‌ له‌ ژێر مه‌ترسی هێرشی داعشدا بوو، هیچ که‌سیش لای وانه‌بوو داعش دوای ۲ ساڵ شکست بێنێت. له‌و کاته‌دا عێراق سوپایه‌کی به‌هێزی نه‌بوو و سیاسییه‌کان نوقمی ناکۆکی سیاسی و تایبه‌ت به‌ خۆیان بوون. داعش له‌م دۆخه‌دا بوو که‌ به‌شێکی گه‌وره‌ی عێراقی داگیر کرد و ئه‌مه‌ش میراتی ئه‌مریکاییه‌کان بوو، ئه‌وان ده‌یانویست عێراق وڵاتێکی لاوازی پارچه‌ پارچه‌ بێت.

ئه‌وکات ئه‌مریکا لای وابوو که‌ ئێران له‌ سووریا نوقمی شه‌ڕه‌ و ناتوانێت یارمه‌تی عێراق بدات، به‌ڵام فتواکه‌ی ئایه‌توڵا سیستانی هه‌موو بابه‌ته‌کانی گۆڕی و خه‌ڵکی عێراقی بۆ به‌رنگاری داعش یه‌کگرتوو کرد. له‌م ماوه‌ی دوو ساڵه‌دا که‌ حه‌شدی شه‌عبی دروست بووه‌ ئه‌زموونی زۆر ئه‌نجام بووه‌ و هێزه‌که‌ له‌و حاڵه‌ته‌ نه‌گرساو و بێ ئه‌زموونه‌ تێپه‌ڕیوه‌. له‌ ئێستادا ئه‌وه‌ی گرنگه‌ ئێمه‌ بزانین ئه‌م بابه‌ته‌یه‌ که‌ عێراق زیاتر له‌وه‌ی پێویستی به‌ شه‌ڕڤان هه‌بێت، پێویستی به‌ فه‌رمانده‌ و به‌ڕێوه‌به‌ری شه‌ڕ هه‌یه‌، ئه‌م شوێنه‌ خاڵییه‌ قاسم سلێمانی بۆ عێراقییه‌کانی پڕ کرده‌وه‌، هاتنی سلێمانی بۆ شه‌ڕی دژ به‌ داعش له‌ عێراق بووه‌ هۆی ئه‌وه‌ی که‌ ئه‌مریکاش کێبه‌رکێی خۆی ده‌ست پێبکات و هه‌ر ئه‌مه‌ش بووه‌ هۆی ئه‌وه‌ی به‌ره‌کانی شه‌ڕ له‌ عێراق گۆڕانکاری به‌سه‌ردا بێت.

ئه‌مریکا دژی ئه‌وه‌ بوو که‌ هێزه‌کانی حه‌شدی شه‌عبی ده‌ستیان به‌ سنووره‌کانی سووریا بگات، به‌ڵام له‌ مه‌یدانی شه‌ڕدا نه‌یتوانی ئه‌م هێڵه‌ سووره‌ جێبه‌جێ بکات، ئێسته‌ش که‌ داعش شکستی جه‌سته‌یی هێناوه‌ ده‌بێت ئه‌وه‌ بزانین که‌ ڕۆحی داعش زیندووه‌. داعش ده‌توانێت جارێکی دیکه‌ بگه‌ڕێته‌وه‌ ئه‌گه‌ر ڕیشه‌ی گه‌نده‌ڵی و ناته‌بایی نێوان عێراقییه‌کان درێژه‌ی هه‌بێت و ئه‌گه‌ر ئه‌مجاره‌ش شتی وه‌ها ڕووبدات دۆخه‌که‌ له‌ ئێسته‌ خراپ تر ده‌بێت، ئێمه‌ وه‌ک عێراق پێویستمان به‌ یه‌کگرتوویی هه‌یه‌.

له‌ ئێستادا ڕوون بووه‌ته‌وه‌ که‌ ڕۆڵی وشکانی به‌ره‌ی خۆڕاگری له‌ ناوچه‌که‌دا یه‌کجار به‌هێزه‌، به‌ڵام ئه‌مریکا له‌ ڕووی ئاسمانییه‌وه‌ هێزێکی یه‌کجار کاریگه‌ره‌، ڕاسته‌ عێراق له‌ به‌ره‌ی ئێراندا نییه‌، به‌ڵام به‌ ته‌واویش له‌ به‌ره‌ی هاوپه‌یمانی ئه‌مریکادا نییه‌، عێراق جه‌مسه‌ربه‌دنی زۆری هه‌یه‌ و له‌ ئێستادا حه‌شدی شه‌عبی ڕۆڵی کاریگه‌ری هه‌یه‌ و ئێسته‌ عێراق له‌ دابه‌ش بوون ڕزگاری بووه‌ و پێویستی به‌ ئاوه‌دان بوونه‌وه‌ هه‌یه‌.

ئه‌مریکا دوای هاتنی داعش نیشانی دا که‌ هیچ پلان و ستراتیژییه‌کی دیاریکراوی بۆ ناوچه‌که‌ به‌ ده‌سته‌وه‌ نییه‌ و ئه‌مه‌ش زۆر له‌ کۆتایی ئیمپڕاتۆری بریتانیا ده‌چێت. له‌م  نێوانه‌دا ئه‌وه‌ ئێران بوو که‌ دوای شکسی داعش بووه‌ وڵاتێک که‌ زیاترین به‌هره‌ی له‌ دۆخه‌که‌ و ناوچه‌که‌ بردووه‌، هه‌ر بۆیه‌ به‌ره‌ی ئێران به‌رده‌وام پێشڕه‌وی ده‌کات. به‌ڵام عه‌ره‌بستان ئه‌گه‌رچی دژی ئێرانه‌، له‌ ناوچه‌که‌ بوونی نییه‌ ئه‌مه‌ش ده‌بێته‌ هۆی ئه‌وه‌ی که‌ گۆڕه‌پانه‌که‌ بۆ ئێران زیاتر چۆڵ بێت و ده‌ستکه‌وتی سه‌ربازی زیاتری هه‌بێت.

ئه‌گه‌رچی ده‌بێت ئه‌مه‌ش بزانین که‌ ئه‌م شه‌ڕه‌ ناوچه‌یی و نێونه‌ته‌وه‌ییه‌ له‌ گۆڕه‌پانه‌کانی دیکه‌ وه‌ک سووریا، یه‌مه‌ن و ڕه‌نگه‌ چه‌ند به‌ره‌یه‌کی دیکه‌ گرژی زیاتر به‌خۆیه‌وه‌ ببینێت، به‌ڵام عێراق ده‌بێت به‌ نیسبه‌ت دۆخه‌که‌ هۆشیار بێت و خۆی له‌ فیتنه‌کان دوور بخاته‌وه‌.

ناردنی بۆچوون

1 + 14 =