دوای هەڕەشەی تورکیا؛

لێژنه‌یه‌کی ڕووسی - ئێرانی ڕه‌وانه‌ی کانتۆنی عه‌فرین کرا

ناسەی هەواڵ: 4024284 -
مێدیایه‌کی سووریا ڕایگه‌یاند که‌ لێژنه‌یه‌کی ڕووسی - ئێرانی بۆ لێکدانه‌وه‌ی دۆخی شاری عه‌فرین ڕه‌وانه‌ی باکووری حه‌ڵه‌ب کراون.

به‌ ڕاپۆرتی ئاژانسی مێهر له‌ ماڵپه‌ڕی ده‌ره‌ر شامیه‌، هاوکات له‌گه‌ڵ هه‌ڕه‌شه‌کانی ڕه‌جه‌ب ته‌یب ئه‌رۆدغان، سه‌رۆک کۆماری تورکیا سه‌باره‌ت به‌ هێرشی وشکانی بۆ سه‌ر شاری عه‌فرین و هه‌ڵگرسانی شه‌ڕ له‌م ناوچه‌یه‌ لێژنه‌یه‌کی ڕووسی - ئێرانی ڕه‌وانه‌ی ئه‌م ناوچه‌یه‌ کراون.

سه‌رۆک کۆماری تورکیا ڕۆژی ڕابردوو وتی که‌ تورکیا به‌ مه‌به‌ستی به‌رگری کردن له‌ خۆی ئاماده‌یه‌ تاکوو وڵامی هه‌موو هه‌ڕه‌شه‌یه‌کی هێزه‌ کوردییه‌کان له‌ باکووری سووریا بداته‌وه‌.

هه‌روه‌ها فیکری ئیشیک، وه‌زیری به‌رگری تورکیا ڕۆژی چوارشه‌مه‌ ئاماژه‌ی به‌ هێزه‌ کوردییه‌کان له‌ عه‌فره‌ین کرد و وتی: تورکیا وڵامی هه‌رجۆره‌ هێرشێک له‌ شاری عه‌فرینه‌وه‌ ده‌داته‌وه‌، به‌ڵام ئه‌گه‌ر عه‌فره‌ین ببێته‌ ناوه‌ندی هه‌ڕه‌شه‌ بۆ سه‌ر ئه‌نقه‌ره‌، ئه‌وه‌ تورکیا گومانی تێدا نییه‌ که‌ ده‌ست بۆ بژاردەی هێرش دەبات.

ناردنی بۆچوون

3 + 0 =