سپۆنتیک شرۆڤه‌ی کرد؛

مووشه‌ک بارانی داعش له‌ کوردستانه‌وه‌ بێ هۆ نه‌بوو

ناسەی هەواڵ: 4009701 -
وڵامی ئێران بۆ تیرۆریسته‌کانی داعش ده‌یتوانی جۆرێکی دیکه‌ بێت، به‌ڵام مووشه‌ک باران کردنی بنکه‌ و باره‌گاکانی داعش له‌ سووریا هۆشداری ئه‌م وڵاته‌ بوو بۆ دژبه‌ره‌کانی له‌ جیهان.

به‌ ڕاپۆرتی ئاژانسی مێهر، ئاژانسی سپۆنتیکی ڕووسیا له‌ میانه‌ی ڕاپۆرتێکدا ئاماژه‌ی به‌ ئامانجه‌کانی ئێران له‌ مووشه‌ک بارانی بنکه‌ و باره‌گاکانی داعش له‌ ده‌یره‌زووری سووریا کردووه‌.

سه‌ره‌ڕای ئه‌وه‌ی ئێران له‌ سه‌رده‌می شا چه‌کی له‌ ئه‌مریکا ده‌کڕی به‌ڵام له‌ کاتی شه‌ڕی ئێران و عێراق، به‌غدا ناو به‌ ناو به‌ مووشه‌کی ڕۆژئاوایی، تاران و شاره‌ گه‌وره‌کانی ئێرانی ده‌پێکا و نه‌شیان ده‌توانی وڵام بده‌نه‌وه‌.

هه‌روه‌ها فڕۆکه‌کانی ئێران ئه‌مریکایی بوون و چون ئه‌مریکا ئاماده‌ نه‌بوو پێداویستی ئه‌م فڕۆکانه‌ ڕاده‌ستی ئێران بکات، کارامه‌یی نه‌بوو له‌م شه‌ڕه‌دا، له‌ ڕاستیدا ئێران شه‌ڕی ۸ ساڵه‌ی له‌گه‌ڵ عێراق به‌ هێزی مرۆڤی خۆی برده‌وه‌. 

هه‌ر ئه‌م بابه‌ته‌ بووه‌ هۆی ئه‌وه‌ی که‌ ئێران له‌ بیری چه‌کی خۆڕاگری به‌ تایبه‌ت سیستمی مووشه‌کی به‌هێز بێت تاکوو له‌ژێر چه‌پووکی وڵاتانی بیانیدا نه‌بێت. ئه‌مڕۆ ئێران به‌ وه‌ها پله‌یه‌کی سه‌ربازی گه‌یشتووه‌ که‌ مووشه‌که‌کانی به‌سه‌ر به‌غدا و عێراقه‌وه‌ دوژمنه‌کانی ده‌پێکێت.

هه‌روه‌ها هه‌ڵبژاردنی کوردستان بۆ ئه‌م مووشه‌ک باران بێ هۆ نه‌بووه‌. ئێران ویستی که‌ نیشان بدات ئه‌م ناوچانه‌ ئه‌منن و یه‌کگرتوویی خه‌ڵکی ئێرانیش به‌رده‌وامه‌. 

ئێران ده‌یتوانی بۆ ئه‌م هێرشانه‌ له‌ فڕۆکه‌کانی سوود ببات یان ئه‌وه‌ی پشت به‌ هاوپه‌یمانه‌کانی له‌ سووریا ببه‌ستێت و داعش بۆردمان بکات، به‌ڵام به‌ مووشه‌ک باران ئه‌م چه‌ند په‌یامه‌ی ڕاگه‌یاند:

۱ — تۆڵه‌ سه‌ندنه‌وه‌ی ئۆپراسیۆنه‌که‌ی داعش.

۲ — مووشه‌که‌کانی ئێران به‌ بڕینی ۶۵۰ کیلۆمه‌تر ئامانجه‌کانی خۆیان پێکا ئه‌مه‌ش واتا بنکه‌ سه‌ربازییه‌کانی ئه‌مریکا و ڕیاز و تێلاڤیڤیش له‌ ژێر چنگی مووشه‌کانی ئێرانن.

۳ — ئێران مووشه‌کی به‌ هێزی ۲۰۰۰ کیلۆمه‌تریش هه‌یه‌، ئه‌مه‌ به‌و مانایه‌ که‌ ئێران ده‌توانێت به‌ ئاسانی دوژمنه‌کانی تاکوو قووڵایی ۲۰۰۰ هه‌زار کیلۆمه‌تریش بپێکێت.

۴ — ئه‌م ئۆپراسیۆنه‌ ۲ کاتژمێر دوای لێدوانه‌کانی ئایه‌توڵا خامنه‌یی بوو که‌ ڕایگه‌یاند ئه‌مریکا هیچ کارێک ناتوانێت بکات و نیشانی ده‌دات که‌ هێزه‌کانی ئه‌مریکا له‌وپڕی ئاماده‌یی دایه‌.

۵ — ناڕاسته‌وخۆ وڵامێک بوو بۆ گه‌ماڕۆ نوێکانی کۆنگرێسی ئه‌مریکا که‌ ئێرانیان گه‌ماڕۆی نوێ دا ئه‌ویش به‌ بیانۆی سیستمی مووشه‌کی ئه‌م وڵاته‌وه‌.

۶ — ئه‌م ئۆپراسیۆنه‌ کاتێک ئه‌نجام بوو که‌ هێزه‌ هاوپه‌یمانه‌کانی ئێران له‌ سووریا و عێراق توانیان سنووره‌کانی سووریا و عێراق پێکه‌وه‌ گرێ بده‌ن و جارێکی دیکه‌ له‌م ڕێگه‌وه‌ به‌ لوبنان ببه‌سترێنه‌وه‌. ئێران به‌ بێ ئه‌م جاده‌ ۱۰۰ هه‌زار مووشه‌کی به‌ هاوپه‌یمانه‌کانی له‌ سووریا و لوبنان داوه‌، ئێسته‌ له‌ ڕێگه‌ی ئه‌م جاده‌وه‌ ده‌توانێت یارمه‌تی سه‌ربازی زۆر زیاتر به‌ هاوپه‌یمانه‌کانی بگه‌یه‌نێت.

۷ — شاره‌زایانی سه‌ربازی له‌ سه‌ر ئه‌م باوه‌ڕه‌ن که‌ سیستمی به‌رگری مووشه‌کی ۳۰ چرکه‌ مۆڵه‌تی پێویسته‌ تاکوو بتوانێت مووشه‌که‌ هێرشبه‌ره‌کان بکاته‌ ئامانج، ئێران به‌ هۆی هاوپه‌یمانه‌کانی ده‌توانێت بنکه‌ سه‌ربازییه‌کانی ئه‌مریکا و سعوودییه‌ و ئیسڕائیل له‌ ناوچه‌که‌ به‌ هاوپه‌یمانه‌کانی گه‌ماڕۆ بدات و مووشه‌که‌کانی به‌ر له‌وه‌ی سیستمی به‌رگری بکه‌وێته‌ کار ناو دڵی ئه‌م بنکه‌ سه‌ربازیانه‌ بپێکێت.

له‌ ڕاستیدا ئێران به‌م هێرشه‌ مووشه‌کییه‌ ڕایگه‌یاند ئه‌گه‌ر له‌ سه‌ر مێزی دانوستان دانیشتووم به‌م مانا نییه‌ که‌ توانم نییه‌ و خۆم ڕاده‌ستی ئێوه‌ ده‌که‌م. ئه‌گه‌ر ئێوه‌ پێبه‌ند نه‌بن به‌ ڕێککه‌وتنه‌کان ئه‌وه‌ ئێمه‌ش ناترسین ده‌ست بوه‌شێنین، ئێوه‌ زیاتر زه‌رب ده‌بینن نه‌ک ئێمه‌، ئێسته‌ که‌ مووشه‌که‌کانی ئێمه‌ به‌رچاوتانی گرتووه‌ ئێمه‌ش له‌ ڕێگه‌ی ئه‌م مووشه‌کانه‌وه‌ وڵامی خۆمان ده‌نێرینه‌وه و له‌ سه‌ر هه‌ر شتێک پێداگری بکه‌ن ئێمه‌ زیاتر ده‌ستی بۆ ده‌به‌ین.

ئێران به‌م هێرشانه‌ به‌ ئاشكرا ڕایگه‌یاند که‌ وڵاتێک نییه‌ پاشه‌کشه‌ له‌ ئامانجه‌کانی بکات و هیچ جۆره‌ هه‌ڕه‌شه‌یه‌ک ناتوانێت کاریگه‌ری له‌ سه‌ر تاران هه‌بێت.

ناردنی بۆچوون

1 + 1 =