ئایه‌توڵڵا خامنه‌یی:

ئێران خۆڕاگرانه‌ وه‌ستاوه‌ و که‌س ناتوانێ زلـله‌ی لێبدات

ناسەی هەواڵ: 4008624 -
ڕێبه‌ری باڵای شۆڕشی ئیسلامی ئێران جه‌ختیان کرد: هه‌مووان بزانن که‌ کۆماری ئیسلامی ئێران خۆڕاگرانه‌ وه‌ستاوه‌ و که‌س ناتوانێ زلـله‌ی لێبدات و ئێمه‌ زلـله‌ له‌ دوژمن ده‌ده‌ین.

به‌ ڕاپۆرتی ئاژانسی هه‌واڵی مێهر، ڕۆژی ڕابردوو و له‌ بیست و سێهه‌مین ڕۆژی ڕه‌مه‌زان، ژماره‌یه‌ک له‌ بنه‌ماڵه‌ی شه‌هیدانی سنووره‌وانی سوپا، ئه‌رته‌ش و هێزی ئینتزامی له‌گه‌ڵ بنه‌ماڵه‌ی شه‌هیدانی پارێزه‌ری حه‌ره‌م و وه‌زاره‌تی ئیتلاعات چاویان به‌ ئایه‌توڵڵا خامنه‌یی که‌وت.

 ڕێبه‌ری له‌م دیداره‌دا وتیان: هه‌ر له‌ سه‌ره‌تاوه‌ ئه‌م شۆڕشه‌ و نیزامی کۆماری ئیسلامی دوژمنی زۆر بووه‌ و ئیستاش هه‌ڕه‌شه‌ و گوڕه‌شه‌کانی ئه‌مه‌ی که‌ تازه‌ هاتووه‌ته‌ سه‌ر کار له‌ ئه‌مریکا بابه‌تێکی نوێ نییه؛ ئه‌مانه‌ چل ساڵه‌ هه‌یه‌ و ئێستا زمانه‌که‌ی گۆڕاوه. ئه‌مانه‌ ناتوانن هیچ غه‌ڵه‌تێک بکه‌ن. ئه‌مانه‌ ئێستا نافامنن چ ده‌که‌ن تا کاتێک به‌ ناو ده‌میانا ده‌درێت ئه‌وسا ده‌زانن چ غه‌ڵه‌تێکیان کردووه.

 جه‌ختیشیان کرد که‌ کۆماری ئیسلامی ئێران به‌وپه‌ڕی تواناوه‌ خۆڕاگره‌ و وه‌ستاوه‌ و لێره‌ به‌دواش هه‌روا ده‌بێت. ئه‌مه‌ بزانن، هه‌موان بزانن، هه‌م دوژمن و هه‌م دۆست بزانن کۆماری ئیسلامی ئێران پته‌و وه‌ستاوه‌ و بزانن ئه‌وان ناتوانن زلـله‌ له‌ ئێمه‌ بده‌ن، ئێمه‌ زلـله‌ له‌ ئه‌وان ده‌ده‌ین.

ڕێبه‌ری وتیان: ئه‌گه‌ر شه‌هیدانی پارێزه‌ری حه‌ره‌م نه‌بوون ئێمه‌ ده‌بوایه‌ ئێستا له‌ شه‌قامه‌کانی ئێراندا له‌گه‌ڵ فیتنه‌گه‌ری پیسی دوژمنی خاندانی پێغه‌مبه‌ر و دوژمنی خه‌ڵک و دوژمنی شیعه‌ شه‌ڕمان بکردایه. ئه‌مانه‌ ده‌یانه‌ویست له‌ عێراقه‌وه‌ خۆیان بگه‌یێننه‌ سنووره‌کانی کۆماری ئسیلامی که‌ به‌ ناوده‌میاندا درا؛ ئێستاش خه‌ریکه‌ به‌ ته‌واوه‌تی له‌ناوده‌چن.

وتیشیان: ئه‌گه‌ر سه‌ردارانی هێژای ئێمه‌ له‌ سووریا شه‌ڕیان نه‌ده‌کرد ئێستا ده‌بوایه‌ له‌م ناوه‌دا شه‌ڕمان بکردایه. به‌شێکی گه‌وره‌ی ئاسایشمان هی سنوورداران و پارێزه‌رانی حه‌ره‌مه. شه‌هیدانی سنووری ئێمه‌ مه‌زڵوومن و زۆر خزمه‌ته‌که‌یان بۆ خه‌ڵک ده‌رناکه‌وێت.

ناردنی بۆچوون

1 + 5 =