نوێنه‌رێکی کورد:

ڕێگە بدەن کورد و سوننە تۆڵه‌ی خوێنی شه‌هیدانی تاران بکاتەوە

ناسەی هەواڵ: 4000436 -
نوێنه‌ری شاری بۆکان له‌ پارێزگای ئازاه‌ربایجانی ڕۆژئاوا له‌ میانه‌ی ڕاگه‌یه‌ندراوێکدا داوای له‌ به‌رپرسان کرد مۆڵه‌ت به‌ پێشمه‌رگه‌ موسوڵمانه‌کان بده‌ن تاکوو تۆڵه‌ی خوێنی شه‌هیدانی تاران بکه‌نەوە.

به‌ ڕاپۆرتی ئاژانسی مێهر، محه‌مه‌د قه‌سیم عوسمانی، نوێنه‌ری شاری بۆکان له‌ پارێزگای ئازاه‌ربایجانی ڕۆژئاوا وتی: جارێکی دیکه‌ داعش ده‌روونی پیس و ناشرینی خۆی نیشان دایه‌وه‌ و هاوڵاتیانی بێ تاوانی ئێمه‌یان کرده‌ ئامانج. ده‌بێت ئه‌مه‌ بزانین که‌ تیرۆریسته‌کانی داعش تاکوو ئێسته‌ به‌ ده‌یان هێرشیان بۆ سه‌ر ئێران داڕشتووه‌، به‌ڵام هه‌مووی له‌ لایه‌ن ناوه‌نده‌ ئەمنییەکانی ئێرانه‌وه‌ پۆچه‌ڵ کراوه‌ته‌وه‌.

ئه‌م نوێنه‌ره‌ کورده‌ی مه‌جلیسی شۆرای ئیسلامی ئێران زیادی کرد: داعش بۆ شێواندنی ئێران له‌و تیرۆریستانه‌ که‌ڵک ده‌بات که‌ ئێرانین هه‌ر بۆیه‌ ده‌بێت به‌ وردی به‌دوادا چوون بۆ ئه‌و داعشیانه‌ بکرێت که‌ ئێرانین و هه‌رجۆره‌ په‌یوه‌ندییه‌کان له‌گەڵ ئێران بچڕێت و به‌ره‌ڕووی ببینه‌وه‌. داعش ته‌نیا له‌ دوای کوشتنی موسوڵمانانه‌ و ئه‌مه‌ش ئه‌و ئامانجه‌یه‌ که‌ دوژمنانی وڵاتانی موسوڵمان به‌ داعشیان سپاردووه‌ ئه‌گه‌رنا بۆچی تاکوو ئێسته‌ یه‌ک فیشه‌کیشی له‌ ڕژیمی زایۆنی نه‌گرتووه‌.

قه‌سیم عوسمانی نووسی: من داوا له‌ خه‌ڵکی ئێران ده‌که‌م که‌ خۆیان ببنه‌ هێزی ئه‌منی و ئیتلاعاتی ئێران و هه‌رجۆره‌ شتێکی گوماناوییان دی به‌ ناوه‌نده‌ حکومییه‌کانی ڕابگه‌یه‌نن. ئه‌م ڕووداوه‌ تیرۆریستییانه‌ی تاران یه‌کجار تاڵ و سه‌خت بوو، به‌ڵام خه‌ڵکی ئێسته‌ باشتر ده‌زانن که‌ ئه‌منیه‌تی ئه‌وان چه‌ند شتێکی گرنگه‌ و نابێت که‌م کاری تێدا بکرێت.

ئه‌و ئاماژه‌ی داوه‌ که‌ داعش سه‌ر به‌ هیچ دین و ئاین و نه‌ته‌وه‌یه‌ک نییه‌ و مێشكی لاوانی هه‌موو جیهان ده‌شۆرنه‌وه‌ تاکوو بۆ ئامانجه‌ وه‌حشیانه‌کانی خۆیان به‌ کاری بهێنن. ئه‌مه‌ش ته‌نیا بۆ ئه‌وه‌یه‌ که‌ له‌ نێوان خه‌ڵک و حکومه‌ت دژایه‌تی دروست بکه‌ن. 

عوسمانی له‌ کۆتاییدا پرسه‌ و سه‌ره‌خۆشی خۆیی بۆ بنه‌ماڵه‌ی شه‌هیدانی ڕووداوه‌ تیرۆریستییه‌کانی تاران ڕاگه‌یاند و داوای له‌ خوای دڵۆڤان کردووه‌ هه‌رچی زووتره‌ برینداره‌کان چاک ببێته‌وه‌.

ناردنی بۆچوون

8 + 1 =